– सहकारी गंभीर जखमी :मारेगाव तालुक्यातील खडकी फाट्याजवळील घटना
मारेगाव : विटा न्युज नेटवर्क
शेतातून गावाकडे जाणाऱ्या दुचाकीला विरुद्ध दिशेने येणाऱ्या बोलेरो वाहनाने जबर धडक दिल्याने दुचाकीस्वार जागीच ठार तर सहकारी गंभीर जखमी झाल्याची घटना आज बुधवार ला रात्री 7.30 वाजता राज्यमहामार्गांवर घडली.
बुरांडा शिवारात असलेल्या शेतातून दोघेजण दुचाकीने राज्यमहामार्गाने खडकी गावाकडे निघाले. अशातच वणीवरून भरधाव येणाऱ्या बुलेरो वाहनाने खडकी फाट्यानजीक दुचाकीला जबर धडक दिली. यात खडकी (बु.) येथील हरी उर्फ रविंद्र दिगांबार अवताडे (45) हे जागीच ठार झाले तर दुचाकीवर असलेला सहकारी अतुल झिंगू उईके (27) हे गंभीर जखमी झाले. या अपघातात अतुल यांचा पाय तुटल्याने त्याला चंद्रपूर येथे हलविण्यात आले आहे.
