– मारेगाव राष्ट्रवादी काँग्रेस पक्षाचे नगरसेवक हेमंत नरांजे भाजपात
मारेगाव : विटा न्यूज नेटवर्क
मारेगाव येथील प्रभाग क्रमांक 12 मधील राष्ट्रवादी काँग्रेस पार्टीचे नगरसेवक हेमंत नरांजे यांनी राजकीय कोलांट उडी मारीत भारतीय जनता पार्टीत प्रवेश केल्याने प्रभागात खळबळ उडाली आहे.
अलीकडेच संभाव्य निवडणूकीची चाहूल लागताच सर्वच राजकीय पक्षांनी पक्ष प्रवेश व पक्षाची मोट बांधण्यासाठी कंबर कसली आहे. यातच मारेगाव येथील राष्ट्रवादी पक्षाचे नगरसेवक हेमंत नरांजे यांना गळाला लावत आमदारद्वयांनी त्यांच्या हातातील घड्याळ सोडून कमळ हातात दिले.
वणी येथील विराणी हॉल मध्ये विधानसभा मतदारसंघाची भारतीय जनता पार्टीची कार्यशाळा रविवारला आयोजित होती.याप्रसंगी मारेगाव नगर पंचायतचे राष्ट्रवादी काँग्रेस पक्षाचे नगरसेवक हेमंत नरांजे यांनी वणी विधानसभा मतदारसंघाचे आमदार संजीवरेडी बोदकुरवार, भाजपचे जिल्हाध्यक्ष तारेंद्र बोर्डे यांचे नेतृत्वाखाली भारतीय जनता पार्टीत पक्ष प्रवेश केला. चंद्रपूर आर्णी लोकसभा विस्तारक रवी बेलुरकर,भाजपा प्रदेश उपाध्यक्ष दिनकरराव पावडे,भाजपा जिल्हा उपाध्यक्ष संजय पिंपळशेंडे,भाजपा तालुका अध्यक्ष अविनाश लांबट,भाजपा तालुका सरचिटणीस प्रशांत नांदे,माजी तालुका अध्यक्ष ज्ञानेश्वर चिकटे,गणपत वराटे,वैभव पवार नगरसेवक, डोमाजी भादिकर व इतर सर्व भाजपा तालुका पदाधिकारी व महिला आघाडीचे सर्व भाजपा पदाधिकारी यांचे उपस्थित पक्ष प्रवेश करण्यात आला.
