महसूल विभाग ॲक्शन मोडवर
मध्यरात्री कार्यवाही
मारेगाव विटा न्यूज नेटवर्क
सर्वत्र प्रशासन प्रजासत्ताक दिनाच्या तयारीत व्यस्त असताना बिनभट्टपणे अवैध वाळू वाहतूक सुरू असल्याची माहिती मिळताच महसूल पथकाने तस्कराच्या मुसक्या आवळल्या. सदरची कारवाई 25 जानेवारीच्या मध्यरात्री तीन वाजताच्या दरम्यान डोंगरगाव येथे करण्यात आली. दोन दिवसात दोन कारवायाने रेती तस्करांचे चांगलेच धाबे दणाणले आहे.
मारेगाव तालुक्यातील कोसारा घाटासह इतरही घाटा वरील वाळू तस्करांच्या गोरखधंद्यावर सातत्याने तहसीलदार कार्यवाही करीत आहे . मात्र यात रातोरात मालामाल झालेल्या तस्करांच्या मुजोऱ्या मागील काही घटनांपासून सर्वश्रुत असताना महसूल विभाग पूर्णता ॲक्शन मोडवर आला आहे .मागील दोन महिन्यापासूनच्या महसूल विभागाचे आठ पथके दिवस-रात्र करीत या तस्करांचे कंबरडे मिळण्यासाठी अविरत प्रयत्न करीत आहे.धडक कारवाईने अनेक तस्करांचे कंबरडे मोडून गुन्हे दाखल झाले आहे. बहुतांश तस्कर राजकीय आधार घेत या गोरखधंद्याला खतपाणी घालण्याचा घाट रचत असतांना तहसीलदार मात्र तस्करांचे मनसुबे हाणून पाडत आहे. अशातच काल मध्यरात्रीच्या दरम्यान विना नंबर प्लेट ट्रॅक्टर मधून अवैध रेती वाहतूक होत असल्याची माहिती मिळताच पथकाने डोल डोंगरगाव शिवारा सदर अवैध रेती तस्कराच्या रेती भरलेला ट्रॅक्टर जप्त करीत कारवाई केली. सदरची कारवाई तहसीलदार उत्तम निलावाड यांच्या मार्गदर्शनाखाली वनजादेवी मंडळाचे मंडळ अधिकारी अमोल घुगाने, तलाठी सनदेवल कुडमेथे, तलाठी विवेक सोयाम यानी केली.
