मारेगाव : विटा न्यूज नेटवर्क
येथील दिवाणी व फौजदारी न्यायालयामध्ये जागतिक बालकामगार दिन उत्साहात साजरा करण्यात आला.
या कार्यक्रमाचे अध्यक्षस्थानी न्यायालयाचे न्यायाधीश निलेश वासाडे, प्रमुख पाहुणे . परवेज पठाण, ऍड प्रयाग रामटेके, ऍड प्रफुल भोयर, ऍड आनंद जोशी आदी मंचावर उपस्थित होते.
यावेळी बोलताना न्यायाधीश वासाडे यांनी सांगितले की, बालकामगार ही अनिष्ट प्रथा आहे. कोणीही 14 वर्षे आतील बालकांना कामावर ठेवू नये अथवा कामगार बनुवू नये ,असे केल्यास कायद्याने हा गुन्हा आहे. बालकांचे जीवन सर्वांग सुंदर बनविण्याकरिता शासन स्तरावर विविध योजना राबविण्यात येते. तसेच बालकांचे बालपण हरवू नये, त्यांची शैक्षणिक उत्तुंग भरारी व्हावी .जेणेकरून सर्वांगीण विकास होईल. पर्यायाने देशाचा व समाजाचे हीच साधला जाईल. जर कोणी बालकामगाराच्या हाताने काम करीत असेल तर त्याची माहिती बालकामगार विभागात व पोलिसांना कळवावे असे आव्हान यावेळी त्यांनी केले. या कार्यक्रमाचे सूत्रसंचालन ऍड. मेहमूद खान यांनी केले तर आभार प्रदर्शन वरिष्ठ लिपिक जे एस अलोन यांनी केले. या कार्यक्रमाच्या यशस्वी ते करिता न्यायालयीन कर्मचाऱ्यांनी पुढाकार घेतला.
