– यवतमाळ वणी राज्यमहामार्गावरील घटना
मारेगाव : विटा न्युज नेटवर्क
विरुद्ध दिशेने येजा करणाऱ्या पिकअप वाहन व दुचाकीची जबर धडक होवून मोटारसायकलस्वार जागीच ठार झाल्याची घटना शुक्रवारला संध्याकाळी 8 वाजताचे सुमारास राज्यमहामार्गांवर विनायक कोटेक्स जिनिंग जवळ घडली.
वणी वरून पिकअप वाहन क्रमांक एम एच 29 बी ई 6629 यवतमाळ दिशेने जात असताना विरुद्ध दिशेने येणाऱ्या स्प्लेंडर क्रमांक M H 31 AS 2579 दुचाकीला पिकअप वाहनाचा टायर फुटून अनियंत्रित होत दुचाकीला जबर धडक दिली. यात दुचाकीस्वार याच्या डोक्याला जबर मारच नाही तर डोक्याचा अर्धा भाग काही फुटावर पडून चेहरा पूर्णतः चेंदामेंदा झाल्याने तो जागीच गतप्राण झाला.
दरम्यान, अपघातातील मृतक हा नरसाळा येथे गिट्टी क्रशरवर चालक म्हणून कार्यरत होता. मृतक मारेगाव तालुक्यातील सालेभट्टी येथील रविदास हरिदास कोरझरे असल्याची प्राथमिक माहिती वृत्त लिहीपर्यंत प्राप्त झाली आहे.मृतकाच्या पश्चात पत्नी व दोन मूले असल्याचीही माहिती आहे.
