– आठव्या वर्गातील विद्यार्थिनी गर्भवती : प्रियकर गजाआड
– मारेगाव तालुक्यातील घटनेने खळबळ
मारेगाव : दीपक डोहणे
प्रेम आंधळं असते असे म्हणतात.. ते कुणावर, कसं, केव्हा व कशा माध्यमातून होईल हे सांगणे हल्लीच्या काळात दुरापास्त झाले आहे.ती केवळ आठव्या वर्गात, तो 23 वर्षीय युवक मोबाईल इंस्टाग्राम या सामाजिक माध्यमातून ओळख झाली. आपुलकीच्या शब्दांनी दोघात प्रेम फुलले..तन मनाने एकत्र येते सर्वस्व लुटले. ती तब्बल नऊ महिन्याची गर्भवती राहिली. आणि तिच्या आईवडिलांच्या पायाखालची वाळू सरकली. पोलीस ठाणे गाठले आणि तो गजाआड झाला.ही खळबळजनक घटना मारेगाव तालुक्यात घडली.
मारेगाव तालुक्यातील हायस्कुल मध्ये आठव्या वर्गात शिकत असलेल्या विद्यार्थिनीचे 23 वर्षीय प्रणव महादेव राऊत रा. केगांव (मार्डी) युवका सोबत इन्स्ट्राग्रामवर ओळख झाली. ओळखीचे रूपांतर प्रेमात होत त्यांचे प्रेम बहरत गेले. एवढेच नव्हे तर त्यांनी सर्वच मर्यादा ओलांडल्या. त्याने लग्नाचे आमिष दाखवत वारंवार तिच्या तन अन मनाची सलगी वाढवली.
काही दिवसातच तिच्या पोटात दुखू लागल्याने घरच्या लोकांनी तीला वणी येथील डॉक्टरकडे नेले. डॉक्टरांनी तपासणी अंती ती नऊ महिन्याची गरोदर असल्याचे निदान झाले. ही बाब कुटुंबातील प्रमुखांना सांगताच पायाखालची वाळू सरकली.
पिडितेला विश्वासात घेताच त्याच्या सहवासातील सर्वच आपबिती कथन केल्यागत पोलीसात तक्रार दाखल करण्यात आली. त्यानुसार महाविद्यालयीन तरुणावर पोक्सो अंतर्गत अत्याचाराचे गुन्हे दाखल करून अटक करण्यात आली आहे.सदर पिडीत विद्यार्थिनी व संशायित आरोपी हे वेगवेगळ्या गावात राहत असून मारेगावच्या उत्तर दिशेला त्यांचे गावे असल्याचे कळते.
या घटनेने सर्वत्र खळबळ उडाली असून मोबाईलचा उपयोग कसा जीवन उध्वस्त करण्यास कारणीभूत ठरत आहे याचे चिंतन करण्याची गरज प्रामुख्याने विद्यार्थ्यात निर्माण झाली आहे.
