– कान्हाळगाव शिवारातील घटना
– बंड्यातून शिताफीने टेम्पोने केली मध्यरात्री शेतमालाची तस्करी
मारेगाव विटा न्यूज नेटवर्क
तालुक्यातील कान्हाळगाव येथील नवरगाव रस्त्यालगत असलेल्या शेतातील बंड्यातून तब्बल 17 क्विंटल सोयाबीन व 7 क्विंटल वर चोरट्यानी डल्ला मारून किमान दोन लाखावार हात साफ केला.
येथील कान्हाळगाव नवरगाव रस्त्यालगत मारेगाव येथील डॉ. उत्तम माधव काळे यांचे शेत आहे. शेतातील बंड्यात सोयाबीन व कापूस साठा जमा असतांना अज्ञात चोरट्यानी शनिवारच्या मध्यरात्री हात साफ केला.
मध्यरात्री टेम्पो लावून किमान दोन लाख रुपयांचा शेतमाल फस्त केल्याचा कयास आहे. याबाबतची पोलिसात फिर्याद दाखल करण्यात आली असून घटनास्थळी पोलीस दाखल झाले आहे.
गत वर्षालाही अनेक ठिकाणी अशाच स्वरूपाच्या लाखो रुपयांच्या शेतकऱ्यांच्या उत्पन्नावर चोरट्याची करड्या नजरेत लाखो रुपयांची चोरी झाली होती मात्र आजतागायत चोर ट्याचा सुगावा लागला नसल्याने प्रशासनावर प्रश्नचिन्ह निर्माण होत आहे. परिणामी शेतकऱ्यांनी सजग राहण्याची गरज निर्माण झाली आहे.
