– राष्ट्रसंत तुकडोजी महाराज पुतळ्याचे अनावरण
– विराट पंकज साठे जन्मदिवसाचे औचित्य
मारेगाव – विटा न्युज नेटवर्क
तालुक्यातील बोटोणी येथे उद्या रविवार ला राष्ट्रसंत तुकडोजी महाराज यांच्या पुतळ्याचे अनावरण व सप्त खंजेरी वादक सत्यपाल महाराज यांच्या कीर्तनातून प्रबोधनाचा कार्यक्रम आयोजित करण्यात आला आहे.
गुरुदेव सेवा मंडळ व पुंडलिकराव साठे यांच्या संयुक्त विद्यमाने विराट पंकज साठे याच्या जन्मदिवसाचे औचित्य साधून दिवसभर विविधांगी कार्यक्रम आयोजित आहे.
रविवार ला सायंकाळी 4 वाजता राष्ट्रसंत तुकडोजी महाराज यांच्या पुतळ्याचे अनावरण व रात्री 7 वाजता प्रख्यात सप्तखंजेरी वादक प्रबोधनकार सत्यपाल महाराज यांचे प्रबोधनात्मक कीर्तनाचा कार्यक्रम आयोजित आहे.
सदरील कार्यक्रमाचे उद्घाटन न्यायाधीश निलेश वासाडे यांचे हस्ते होणार असून उपविभागीय अधिकारी नितिन कुमार इंगोले , तहसिलदार नीलावाड , बि.डी.ओ.मडावी , ठाणेदार खंडेराव , वैद्यकीय अधिक्षक डॉ.इंगळे , सरपंच सुनिता जुमनाके, उपसरपंच प्रविण वनकर यांची प्रमुख उपस्थिती असणार आहे.
परिसरातील तमाम जनतेनी कार्यक्रमाचा लाभ घेण्याचे आवाहन ज्येष्ठ कार्यकर्ते पुंडलीकराव साठे यांनी केले आहे.
