– ग्रामिण रुग्णालयाची प्रकृती सुधारण्याची अपेक्षा बळावली
मारेगाव : विटा न्यूज नेटवर्क
जम्बो खाटांचा व कर्मचाऱ्यांचा असलेल्या मारेगाव ग्रामिण रुग्णालयचे वैद्यकीय अधिक्षक म्हणून डॉ.सुभाष इंगळे हे आज गुरुवारला रुजू झाले.त्यांच्या वर्णीने शिस्त , पारदर्शकता व बहुचर्चित ग्रामीण रुग्णालयाची प्रकृतीत सुधारणा होण्याची शक्यता बळावली आहे.
डॉ. इंगळे यांनी यापूर्वी मारेगाव ग्रामिण रुग्णालयाचा प्रभारी वैद्यकीय अधिक्षक पदाचा पदभार सांभाळला होता.त्यांच्या कार्यकाळात ग्रामीण रुग्णालयाचे रुपडे पालटले होते.यात प्रवेशद्वार , रुग्णांच्या नातेवाईकां करिता प्रतीक्षालय , रंगरंगोटी , रुग्णालय सभोवताल वृक्ष लागवड , प्रत्येक विभागाला स्वतंत्र कक्ष सह कर्मचाऱ्यात प्रशासकीय शिस्तीचाही पगडा अधोरेखित केला होता.
दरम्यान , मारेगाव ग्रामिण रुग्णालयात उपचाराकरिता ग्रामीण भागातील रुग्णांची सतत वर्दळ असते.रुग्ण व नातेवाईक अनेक अडचणींचा सामना करीत असतांना तूर्तास रुग्णालयात कर्मचाऱ्यांची रिक्त पदे भरणे , एक्सरे ची व्यवस्था सह लॅब सुरू करण्याचा मनोदय नवनियुक्त वैद्यकीय अधिक्षक डॉ.सुभाष इंगळे यांनी ‘विदर्भ टाईम्स’ शी बोलतांना व्यक्त केला.
