– मारेगाव तालुक्यातील जळका येथील शेतकऱ्याने घेतले विष
मारेगाव : विटा न्यूज नेटवर्क
तालुक्यातील जळका येथील युवा शेतकऱ्याने शेतात जाऊन विष प्राशन करीत इहलोकाची यात्रा केली.ही घटना आज गुरुवारला सकाळी उघडकीस आली.
किसन सोमा कासार (35) असे आत्महत्या केलेल्या युवा शेतकऱ्याचे नाव आहे.आईच्या नावे असलेल्या शेतातील काही क्षेत्र तो वहिती करीत होता.यावर कुटुंबाचा उदरनिर्वाह सुरू असतांना त्याच्या पत्नीला कर्करोगाने कवेत घेतले.
बेताची परिस्थिती आणि उपचारासाठी लागणारा खर्च आवाक्याबाहेरचा असल्याने किसन याची मानसिक स्थिती ढासळली आणि यातच त्याने टोकाची भूमिका घेतल्याची माहिती कुटुंबातील नातेवाईकांनी दिली.
परिणामी , किसन हे बुधवारला रात्री शेतात गेला आणि शेतातच विष ग्रहण केले.आज सकाळी आई शेतात गेली असता मुलाचा मृतदेहच दिसल्याने एकच हंबरडा फोडला.मृतक किसन याच्या पश्चात आई ,वडील, आजारी पत्नी व मुलगा मुलगी आहे.
