– वणी – वरोरा रोडवरील घटना : पती गंभीर जखमी
विटा न्यूज नेटवर्क : मारेगाव
मारेगाव शहरातील प्रसिद्ध स्त्री रोग तज्ञ असलेल्या महिला डॉक्टर यांचा आज २२ मार्च अपघातात दुर्दैवी मृत्यू झाल्याची घटना वरोरा वणी रोडवर घडली. तर डॉक्टर पतीची प्रकृती गंभीर आहे.
अपघात इतका भीषण होता की टिप्परने दांपत्याच्या
गाडीला शंभर फूट पर्यंत ओढत नेले.
मारेगाव शहरातील प्रसिद्ध स्त्री रोग तज्ञ अश्विनी गौरकार (झाडे) व त्यांचे पती डॉक्टर अतुल गौरकार हे त्यांच्या गाडी क्रमांक एम एच 34 एएम 42 40 ने खाजगी कामाकरिता नागपूरला जात होते.
दरम्यान, विरुद्ध दिशेने येणाऱ्या हायवा टिप्परने त्यांच्या गाडीला जोरदार धडक दिली. धडक इतकी भीषण होती ती दांपत्याच्या कारला शंभर फूट पर्यंत खेचत नेले. वरोरा जवळ असलेल्या शेंबड गावाजवळ दुपारी साडेतीन-चार दरम्यान सदर अपघात घडला. यात महिला डॉक्टर जागीच गतप्राण झाल्या तर डॉक्टर पतीच्या हाताला डोक्याला गंभीर इजा झाल्यामुळे नागरिकांनी तात्काळ वरोरा ग्रामीण रुग्णालयात उपचारार्थ दाखल केले.
