◆ व्यापारी व ग्राहकांना ठरतेय अडसर
झरी जामणी : नितीन कापसे
तालुक्यात सध्या सार्वजनिक बांधकाम विभागामार्फत रोडचे व नालीचे बांधकाम चालू आहे. परंतु शहरात सुरू असलेल्या नालीमुळे व्यापारी वर्गात नाराजीचे वातावरण आहे. सदर नालीची उंची कमी करून व खोदकाम करून नालीचे बांधकाम करण्यात यावे अशी येथील व्यावसायिकांची मागणी आहे.
विकासाचा एक भाग म्हणून सध्या शहरात सुरू असलेल्या नालीची ऊंची जवळपास ४ फूट उंच आहे. त्यामुळे ग्राहकांना व दुकानदारांना अडचण निर्माण होऊ नये यासाठी व्यापारी वर्गाच्या वतीने तहसीलदार यांना निवेदन देण्यात आले आहेत.
दरम्यान , दुतर्फा रस्त्याने छोटे मोठे प्रतिष्ठाने वसलेले आहे.प्रतिष्ठाण लगतच जम्बो नालीचे बांधकाम दुकानदार व ग्राहकांना अडसर निर्माण करीत असून प्रशासनाने योग्य व सकारात्मक निर्णय घेऊन तोडगा काढावा या प्रमुख मागणीसाठी पदाधिकारी यांनी प्रशासनास साकडे घातले आहे.
तहसीलदार यांना दिलेल्या निवेदनात नगरसेवक प्रवीण लेंनगुळे , आरोग्य सभापती दिनेश जयस्वाल, रोहीत मालेकर ,अमोल तेलंग,संभाजी पेंदोर, प्रशांत पांडे, जयंता ताजने, देविदास भोयर आदींची उपस्थिती होती.
