◆ विद्रोही व क्रांतिकारक गायक अनिरुद्ध वनकर यांची प्रबोधनात्मक मेजवानी
विटा न्यूज नेटवर्क- मारेगाव
भिमा कोरेगाव शौर्यदिन व क्रांतिज्योती सावित्रीबाई फुले यांच्या जयंतीचे औचित्य साधून मारेगाव जिल्हा यवतमाळ येथे २ जानेवारी २०२३ रोजी राष्ट्रीय प्रबोधनकार , वादळवारा फेम तथा विद्रोही क्रांतिकारक गायक अनिरुद्ध वनकर यांचा प्रबोधनात्मक कार्यक्रम आयोजित करण्यात आला आहे.
भिमा कोरेगाव येथील शहीद हुतात्म्यांच्या बलिदानाची शौर्यगाथा समाजमनात कायम तेवत रहावी , त्यांच्या आहुत्यांना उजाळा देण्यासाठी हा प्रबोधनात्मक कार्यक्रम आयोजित असून या कार्यक्रमाचे अनुषंगाने परिसरातील जनतेला वैचारिक प्रबोधनाची मेजवानी अधोरेखित होणार आहे.
२ जानेवारी रोजी सायंकाळी ६ वाजता सुरू होणाऱ्या राज्य महामार्गालगत सार्वजनिक बांधकाम विभागाच्या प्रांगणातील प्रबोधनात्मक कार्यक्रमास महाराष्ट्र नवनिर्माण सेनेचे राज्य उपाध्यक्ष राजू उंबरकर हे कार्यक्रमाचे अध्यक्षस्थान भूषविणार आहेत.
मारेगाव फुले – शाहू- आंबेडकर प्रबोधन विचार मंच तथा मारेगाव ,वणी , झरी तालुका महाराष्ट्र नवनिर्माण सेना यांच्या सयुक्त विद्यमाने होणाऱ्या कार्यक्रमासाठी अनुयायी व पदाधिकारी आणि कार्यकर्ते पुढाकार घेत आहे.
