मारेगाव : विटा न्यूज नेटवर्क
तालुक्यातील मार्डी येथील उपसरपंच सुधाकर महादेवराव डाहुले (65) यांचे अल्पशा आजाराने चंद्रपूर येथील रुग्णालयात उपचारादरम्यान निधन झाले. त्यांच्या अकाली मृत्यूने सामाजिक तथा राजकीय क्षेत्रात शोककळा पसरली आहे.
सुधाकरराव डाहुले हे मार्डी येथील ग्रामपंचायत चे विद्यमान उपसरपंच होते.मागील चार दिवसांपूर्वी त्यांना तापाने ग्रासले होते.त्यांनी विहीत वेळेत डॉक्टरचा सल्ला न घेतल्याने आजार बळावला.त्यांना चंद्रपूर दवाखान्यात हलविण्यात आले. डेंगू सदृश्य आजार असल्याचे डॉक्टरांनी नमूद केले. आणि अल्पशा आजाराने त्यांचा आज पहाटे 5 वाजता मृत्यू झाला.
डाहुले यांच्या पश्चात वडील , पत्नी , एक मुलगा तीन मुली असा आप्तपरीवार आहे.
