बोटोणी ब्रेकींग… अखेर बहुचर्चित दवाखाना तूर्तास “कुलूपबंद”

– बंदचा सूचनाफलक खिडकीवर चिकटला 

मारेगाव : विटा न्युज नेटवर्क 

बोटोणी येथील जनकल्याण समिती यवतमाळ द्वारा उघडण्यात आलेल्या भारतरत्न अटलबिहारी वाजपेयी ग्रामीण रुग्णालय अल्पकाळात वादाच्या भोवऱ्यात अडकल्याने तूर्तास बंद करण्यात आले. तशा आशयाची जाहीर सूचना लावण्याचे धाडसही अध्यक्षा मार्फत करण्यात आले आहे. जनतेच्या आरोग्यावर मांडलेला हा खेळ येथील जनतेने आता सुटकेचा श्वास सोडला आहे.

येथील बहुचर्चित ग्रामीण रुग्णालय पुरेशा कागदपत्राची पूर्तता न करता उघडण्यात आले होते.कर्मचारी भरती प्रक्रियाही मोठा गाजावाजा करून करण्यात येवून हा दवाखाना थाटण्यात आला.

अनधिकृत असलेल्या दवाखाण्याचा भंडाफोड करून सोशल मिडियावर वृत्त मालिका प्रकाशित करण्यात आली. प्रशासनाने तात्काळ दखल घेत कारवाई सुरु केली. या कारवाईत अनेक बाबींची पूर्तता नसल्याचे निष्पन्न झाले.

परिणामी, गत 22 आँगष्ट रोजी प्रशासनाने ‘बंद’ चा आदेश निर्गमित केला.पैसा अंतर्गत असलेल्या बोटोणी गावात व परिसरातील सर्वसामान्य जनतेच्या आरोग्याचा खेळ मांडणाऱ्या संस्थेचा ‘खोकला’ बसविण्यात मोठे यश आले. तूर्तास हा बहुचर्चित दवाखाना कुलूपबंद करण्यात आला आहे.दरम्यान, येथील जनतेच्या आरोग्याशी खेळणाऱ्या व बोगस कागदी घोडे नाचवून दवाखाना थाटणाऱ्या अध्यक्षावर फौजदारी कारवाई करण्यात यावी अशी बोटोणीकरांची मागणी आहे.