– 50 वर्षीय इसमाचा जागीच मृत्यू
– मारेगाव तालुक्यातील कोसारा येथील घटना
मारेगाव : विटा न्यूज नेटवर्क
तालुक्याच्या सीमेवर असलेल्या कोसारा येथील झिंगलेल्या अवस्थेत दोघांत शाब्दिक खडाजंगी होत एकाने थेट खलबत्त्याने ठेचत कोयत्याने वार केले.यात 50 वर्षीय इसमाचा जागीच मृत्यू झाल्याची घटना आज सकाळी कोसारा येथे 9.30 वाजताचे दरम्यान घडल्याने खळबळ उडाली आहे.
सुभाष संभाजी पचारे असे हत्या झालेल्या इसमाचे नाव आहे.सुभाष व मोहन देविदास पचारे(29) दोघेही रा.कोसारा हे आज सकाळ पासूनच तळीरामाच्या भूमिकेत होते. दोघेही दूरवरचे गणगोत असतांना दारूच्या नशेत झिंगुण दारूसाठीच त्यांचा शाब्दिक वाद विकोपाला गेला.
अशातच वादाचे भयाण रूपांतर होत मोहन याने बत्ता घेत सुभाष च्या डोक्यावर मारला.रक्तबंबाळ व निपचित पडलेल्या सुभाष याच्या शरीरावर मोहन याने पुन्हा कोयत्याने वार केले.या घटनेत सुभाषचा जागीच मृत्यू झाला.
सुभाष पचारे हे मागील वीस वर्षांपासून रोजमजुरी करीत एकटेच जीवन कंठीत होते.चंद्रपूर जिल्ह्यातील भद्रावती येथे त्यांची पत्नी , एक मुलगा, एक मुलगी मागील वीस वर्षांपासून वास्तव्य करीत असल्याची माहिती आहे.
परिणामी , हत्येची माहिती मिळताच उपविभागीय पोलिस अधिकारी गणेश कींन्द्रे , ठाणेदार राजेश पुरी यांनी घटनास्थळ गाठले. पोलिसांनी पंचनामा करून आरोपी मोहन यास ताब्यात घेतले आहे.
