◆ भिमा कोरेगाव शौर्यदिन व सावित्रीबाईं फुले जयंतीचे औचित्य
विटा न्यूज नेटवर्क : मारेगाव
भिमा कोरेगाव शौर्यदिन व क्रांतीज्योती सावित्रीबाई फुले जयंतीचे औचित्य साधून मारेगाव येथे उद्या दिनांक २ जानेवारी (सोमवार )ला राष्ट्रीय प्रबोधनकार , वादळवारा कॅसेट फेम, विद्रोही व क्रांतिकारक गायक अनिरुद्ध वनकर यांचा प्रबोधनात्मक कार्यक्रम आयोजित करण्यात आला आहे.
मारेगाव तालुक्यात सामाजिक चळवळीला ऊर्जा मिळावी आणि भिमा कोरेगाव शहीद हुतात्म्यांच्या बलिदानाची शौर्यगाथा समाजमनात कायम तेवत रहावी , त्यांच्या आहुत्यांना उजाळा देण्यासाठी हा प्रबोधनात्मक कार्यक्रम आयोजित आहे.
स्थानिक राज्यमहामार्गचे बाजूला , सार्वजनिक बांधकाम विभागाच्या पटांगणात सायंकाळी ६ वाजता सुरू होणाऱ्या कार्यक्रमाचे अध्यक्षस्थान महाराष्ट्र नवनिर्माण सेनेचे राज्य उपाध्यक्ष राजू उंबरकर भूषविणार आहे.
तालुक्यातील तमाम जनतेंनी वैचारिक मेजवानीची पर्वणी असलेल्या प्रबोधनाचा लाभ घ्यावा असे आवाहन मारेगाव फुले- शाहू- आंबेडकर प्रबोधन विचार मंच तथा मारेगाव , वणी – झरी तालूका महाराष्ट्र नवनिर्माण सेनेच्या वतीने करण्यात आले आहे. कार्यक्रमास आयोजन समितीचे संतोष रोगे, दीपक डोहणे, चांद बहादे, विलास रायपूरे, गजानन चंदनखेडे, आकाश खामनकार पुढाकार घेत आहेत.
