◆ पत्रकार सेवा संघ व महाविद्यालयाचा पुढाकार
विटा न्यूज नेटवर्क : मारेगाव
व्यंजनाचा अचूक स्वर व उच्चार अन अस्सल गावरान शैलीत व्याख्यानातून रंजक ज्ञानार्जन करणारे अवघ्या महाराष्ट्रातील सुप्रसिद्ध खदखद मास्तर प्रा.नितेश कराळे सर उद्या दि.२५ डिसेंबर रोज रविवारला सकाळी १० वाजता मारेगावात येत आहे.
स्थानिक कला वाणिज्य विज्ञान महाविद्यालयात होणाऱ्या प्रा.कराळे सर यांच्या ज्वाला मुखीतून लाव्हा रस कसा खदखद बाहेर पडतोय.आपल्या मनोरंजनात्मक सहज आणि सोप्या भाषेतून समाज माध्यमातून ज्ञानार्जन करणारे शैक्षणिक तरुणाईत गळ्यातील ताईत बनलेले कराळे सर सामाजिक, सांस्कृतिक, राजकीय व आर्थिक परिस्थिती सह व्यवस्थेवर प्रहार करणार आहे.
अलीकडच्या स्पर्धा परीक्षा , बेरोजगारी , विद्यार्थ्यांना यशाच्या शिखरावर पोहचविण्यासाठी आपल्या अभिनव शैलीतून मार्गदर्शन करण्यासाठी खदखद सर रविवार ला मारेगावात येत आहे.
रंगनाथ स्वामी पतसंस्था सर्वेसर्वा अँड.देविदासजी काळे , लोढा मल्टीस्पेशालिटीचे संचालक , आदिवासी समाज पुरस्कार प्राप्त डॉ.महेंद्र लोढा हे स्वागताध्यक्ष असणार आहे.कार्यक्रमाचे अध्यक्षस्थानी प्राचार्य डॉ.अविनाश घरडे असतील.प्रेस संपादक व पत्रकार सेवा संघाचे विदर्भ प्रदेश अध्यक्ष केशवजी सवळकर , जिल्हाध्यक्ष अनिल राठोड , सामाजिक कार्यकर्ते विजय बोथले , अविनाशजी लांबट हे प्रमुख पाहुणे असणार आहेत.
मारेगाव तालुका प्रेस संपादक व प्रेस सेवा संघ तथा कला वाणिज्य विज्ञान महाविद्यालय कार्यक्रमाच्या यशस्वीतेसाठी प्रयत्नशील आहेत.तमाम विद्यार्थी सह जागृत नागरिकांनी या कार्यक्रमास प्रामुख्याने हजर रहावे असे आवाहन आयोजकांनी केले आहे.
