– जळका फाट्या नजीकची घटना
मारेगाव : विटा न्युज नेटवर्क
चंद्रपूर वरून यवतमाळ कडे जाणारी बस व विरुद्ध दिशेने येणाऱ्या ट्रकची समोरासमोर धडकेत दोन प्रवासी ठार झाल्याची माहिती आहे.हा अपघात जळका फाट्यानजीक गुरुवारी रात्री 8.15 च्या दरम्यान घडली.
चंद्रपूर वरून यवतमाळ कडे जाणाऱ्या बस क्रमांक M H 40 y 5782 व समोरून येणाऱ्या ट्रक ची जबर धडकेत अक्षरशः अर्धी बस चिरत नेली.यात बस मधील दोन प्रवासी ठार झाल्याची माहिती असून 15 प्रवाशी सह ट्रक व बस चालक गंभीररित्या जखमी आहे.
भीषण अपघातात मृतक व जखमीचा अधिकृत नावे मिळू शकली नाही. परिणामी, आमदार संजय देरकर जळका येथे कार्यक्रमात असतांना अपघाताची माहिती मिळताच घटनास्थळी तातडीने दाखल होत मृत व जखमी प्रवाश्यांना रुग्णालयात दाखल करण्यास जलदगतीने उपाययोजनेचा अंमल केला.दरम्यान,बहुतांश जखमी प्रवाश्यांना यवतमाळ येथे हलविण्यात आले आहे.
